تعدي علي طفلة في شبين القناطر والأمن يضبط المتهم 

كتب موسي فتوح 

حق_مريم 

واقعة جديدة..القبض علي حارس عقار اعتدي علي الطفلة مريم 10سنوات في شبين القناطر.. والمجتمع المصري ينتفض 

انتشرت مطالبات بتعديل القانون وان تكون العقوبة هي الإعد!م 

حق مريم.. بعد حق ياسين 

مكتوب علينا نفضل عايشين في هم وغم ونكد بسبب مجموعة حيوانات عايشين وسطينا..

من الطفل ياسين لقصة الطفلة مريم اللي للأسف اتعرضت لاعتداء جنـسي وحشي من حيوان في قرية تابعة لشبين القناطر.

المفترس الجديد مش عنده 80 سنة زي المجرم بتاع مدرسة ياسين.. المجرم بتاع الطفلة مريم عنده 40 سنة، شغال غفير بشركة مقاولات..

الشركة كانت بتبني وحدة صحية في قرية بشبين القناطر ومشغلاه حارس.. والمصيبة إنه عنده بنتين من مراته اللي مطلقها.. يعني الكلب ده أب لبنتين.

مريم كانت رايحة درس تحفيظ قرآن.. نده عليها وقالها خدي هاتيلي حاجة من الكشك علشان مش عارف أروح وأسيب المكان..

قربت منه شدها بالعافية جوه وطلع سلاح هددها واعتدى عليها جنـسيـا.

البنت خافت تقول لأهلها على اللي حصل.. ومن شدة فجوره، تاني يوم بعت بناته الاتنين يندهوا على مريم علشان يكرر اللي عمله..

البنت خافت وعيطت وحبست نفسها في حمام البيت.. وهنا عرفت الأسرة.

نفس اللي اتقال ليوسف طفل البحيرة: لو قلت لحد هنقـ تـ ل أبوك وأمك.. اتقال لمريم طفلة شبين: لو حكيتي لحد هقتـل أخوكي..

مريم خافت على أخوها.. خافت تحكي وتتكلم لكن مقدرتش تتحمل.

مريم عندها 10 سنين.. من أسرة بسيطة محترمة بتعلمها من صغرها الحلال والحرام وبتحفظها القرآن..

الاعتداء حصل وهي رايحة درس القرآن.. كل ذنبها إنها طفلة.. لكن المجرم مرحمش طفولتها.

المجرم اتقبض عليه قبل ما يهرب وبيتحقق معاه حاليا.. للأسف مريم فقدت عذريتـها.. بسبب حيوان قذر حقير واطي وإن كانت الحيوانات أشرف منه بمراحل.

مطلوب على وجه السرعة من الحكومة ومجلس النواب: تعديل أي قوانين خاصة بالاعتداء الجنسـ ي، أيّا كان شكله، حجمه، ظروفه، أسبابه، تفاصيله..

الإعــ دا شنقا.. مفيش سجن مؤبد، مفيش سجن مشدد.. العقوبة تبقى إعـد ام.

لازم أي حيوان ابن ستين كلب وهو بيفكر لمجرد التفكير إن يلمس جسم حد مش من حقه يلمسه..

يُعـ دم.. ميرجعش للحياة تاني، ولا يتعامل مع حد تاني، ولا يستمتع حتى بالسجن.

نسيت وأنا بحكي القصة أوجه رسالة للمرضى النفسيين اللي حاولوا ياخدوا قصة ياسين في سكة المسلم والمسيحي..

مريم مسلمة والمجرم مسلم.. ومريم مش بس مسلمة دي كانت رايحة تحفظ القرآن الكريم.

عرفوا ولادكم يا جماعة يتكلموا مع مين ويرفضوا يتكلموا مع مين.. أي حد غريب لأ.. أي حد يتكلم معاهم لأ.. ميروحوش بعيد لوحدهم..

ميقربوش من حد ميعرفهوش.. يصرخوا من أقل حاجة.. علموهم ازاي يستغيثوا.

حق مريم مش هيضيع زي حق ياسين مضعش.. الإعـ دام يا حكومة مبقاش ينفع غير الإعـ دام.. لاجل خاطر ولادنا اللي عايشين علشانهم..

لاجل ميتكررش ياسين ولا مريم.. الإعـ دام ولو فيه حاجة أكبر اعملوها فورا.

الله يصبر أهلك يابنتي ويربط على قلبك وقلبهم.

حق مريم هيرجع بقضاء مصر العادل.. الإعـدام.