رئيس جامعة سوهاج يفاجئ 43 خريج بقرار تعيينهم معيدين “جهدكم ما راحش هدر”

متابعة أخبار الصباح 

في لفتة إنسانية مشرفة، قرر رئيس جامعة سوهاج تعيين 43 خريج من أوائل الجامعة كمعيدين،

بدون سابق إنذار، في مفاجأة غير متوقعة من داخل الحرم الجامعي.

اللافت إن معظم الخريجين من أبناء الناس البسيطة، ناس من عامة الشعب، واللي اتعودوا يشوفوا المناصب بتروح للي معاهم واسطة،

لكن المرة دي، التعيين جه استحقاق كامل نتيجة تعبهم ومجهودهم على مدار سنين من المذاكرة والاجتهاد.

الفرحة اللي كانت في عيون الطلبة وأهاليهم تقول كل حاجة، وصوتهم المندهش الممزوج بالدموع والضحك كان ألطف شئ في المكالمة.

القرار ده مش بس تعيين، ده رسالة أمل إن الحق ممكن يرجع لأصحابه، وإن مش كل الأبواب مقفولة قدام اللي بيتعب ويستاهل.