الحقيقه مش لاقيين حاجه نقولها لان مفيش شئ ممكن يتقال … يعنى زيارة السعوديه ماليانه تفاصيل
لكن الحقيقه قطر زى ما اتعودنا مش بتتكسف ابدا
ترامب وتميم وقعوا ٣ ورقات وقالوا انها اتفاقيات استراتيجيه طبعا انت ياصديقي المواطن مش هتفتكر
كل زياره لمسئول اميركى او رئيس اميركى بيوقع امير قطر برضوا كام ورقه وبيقولوا اتفاقيات استراتيجيه
بس المصيبه انها كل مره (( حرفيا )) الاتفاقيات الاستراتيجيه دى بتكون (( بنفس الإسم ))
ماعلينا ندخل فى الكلمتين
ترامب وقع ورقه ووزير دفاعه ورقه ورئيس شركة بوينج ورقه (( وكل سنه وحضراتكم طيبين ))
دفعوا كاش فى حدود ٣٠٠ مليار دولار وهيعملوا تحويلات فى حدود ٩٠٠ مليار دولار ليصل الاجمالى
تريليون و٢٠٠ مليار دولار
فى نقطه واحده لازم التركيز عليها فى الصفقه :
الصين هى اكبر عملاء شركة بوينج عالميا وتقريبا بتشتري منها نصف انتاجها سنويا غير ان اغلب المكونات تصنع فى مصانع فى الصين
فى حرب الرسوم الجمركيه وقفت الصين حاجتين لشركة بوينج
استلام اى طائرات من شركة بوينج
ومنع تصدير اى مكونات لشركة بوينج
وكان منتظر (( اشهار افلاس بوينج ))
قطر أخدت (( اوامر بالاجبار طبعا من الأسياد ))
عشان الكلام يكون صريح وواضح :
هتدفع لشركة بوينج ثمن تصنيع ٢١٠ طائره من اكبر الطرازات لصالح الخطوط الجويه القطريه
(( وخلينا نقول ولا الخطوط الجوية الامريكيه تستوعب العدد ده ))
المهم ده تمويل هينقذ شركة بوينج وبيه هتنقل وتفتح تانى مصانعها فى امريكا لانقاذ نفسها من الصين
و الصفقه دى مع بوينج هتشغل مليون اميركى لسنين طويله
و الكوميدى (( و المقزز فى نفس الوقت )) فى الغالب مش هتاخد الخطوط القطرية اى طياره منهم
ولو حبت مستقبلا تاخد طيارات من بوينج هتتعاقد بجد و تشترى من اول وجديد
عارفين اسوأ مافى قطر ايه ؟؟ وليه الصين مش هتقدر تعاقبها؟؟ :
لانها مش على الخريطه اصلا
ومالهاش اى حاجه ذات قيمه ينفع تعاقبها بيها او فيها
حتى شعب مفيش مش موجودين
خلص يوم ترامب و نستنى نكمل الافلام الهوليوديه المضحكه المبكيه و نستكمل الزياره الهزليه
ونفتخر ببلدنا وقيادتنا السياسيه الشريفه المحترمه و لاعزاء للعرر مسلوبى الاراده والشرف المنساقين فى كل مكان
ربنا يحفظ مصر وشعبها بخير وتقدم وأمان
