مسافرة ليه؟!
في زمن التيك توك واللايكات، بقت الشهرة أسرع من الرصاصة…
وبقت البنت تطلع لايف بالليل، وتصحى تاني يوم بحجز طيارة!
الناس تقول: “ما شاء الله ربنا فتح عليها”
لكن الحقيقة؟
ليس كل سفر سياحة أو عمل
ورا السفر ده حكايات سوداء، وغرف مقفولة، وصفقات مريبة…
من غير ما تحس، ممكن الشهرة تبقى باب لدنيا كلها غسيل أموال، ودعارة مغلفة، وسمعة بتضيع في صمت.
وده اللي هنتكلم عنه بصراحة في المقال ده…
بعنوان:”مسافرة ليه؟!”
1️⃣ كل يوم بنت بتسافر!
كل يوم نلاقي بنت جديدة من مشهيرات التيك توك طالعة لايف، تضحك وتتكلم وتغني… وفجأة تعلن:
انا مسافرة شغل أو انا مسافرة سياحة لدولة ٠٠٠٠٠ دول الفلوس عندها زي اكياس الرز عندنا
بس محدش سأل:
ليه انتي بالذات مطلوبة هناك ؛ في مشاهير كتيرة جدا في هذه الدول وغيرها اشمعنا انتي
ودا يخلينا نسأل هل فعلاً كل سفر سياحة أو عمل ؟
2️⃣ الهدايا مش بريئة
وراء كل لايف، هدايا بالملايين
مسالتش نفسك هل في رجل اعمال غبي بيرمي فلوسه علي الفاضي علي بنت او ولد خلف شاشة ؛ وهل في رجل اعمال ومن الأثرياء عنده وقت يقعد في لايف بالساعات يرمي هدايا
الحقيقة؟
أغلب الدعم بيكون غسيل أموال ؛الفلوس بتيجي على هيئة هدايا، ويتخصم منها نسبة، والباقي بيرجع للمرسل بطرق ملتوية.
3️⃣ السفر مش دايمًا شغل
في بعض الحالات السفر يكون بالفعل للشغل أو السياحة فالتعميم ظلم .
ولكن كتير من البنات بيتفاجئوا بعد السفر بـ:
🔹طلبات لإقامة علاقة مقابل المزيد من الهدايا والشهرة
🔹حفلات خاصة
🔹 تصوير غريب
🔹 طلبات “مش مفهومة”
وكل ده تحت شعار: “فرصة عمل”!
لكن في الواقع؟
ابتزاز بفيديوهات فاضحة أو صور بأجساد عارية أو ضياع البنت بسبب حبها للمال أو الشهرة وفي الآخر سمعة بتضيع او متعة لفترة ويشوفوا غيرها .
4️⃣ الشهرة غطت على الستر
🔹ناس كانت لابسة الحجاب، اتخلّت عنه.
🔹ناس بدأت في لايفات دعوية، وانتهت على ترندات فيها رقص وسفالة.
وكل ده بسبب:
📲 الشهرة
💵 الطمع
💔 قلة الوعي
5️⃣ وهم الشهرة :
الشهرة وهم
🟢 الفلوس دي سريعة الزوال
🟢كرامتك ودينك أغلى من أي ترند
🟢الناس اللي بتضحكلك على التيك توك…ممكن يكونوا أول ناس يكسروك في الحقيقة!
6️⃣ اسألي نفسك قبل أي سفر:
❌ هل ده شغل حلال؟
❌ هقابل مين هناك؟
❌ هقدر أرجع مرفوعة الراس؟
ولا…
هل هكون ضحية جديدة؟
7️⃣ الرسالة الأخيرة :
✋ كفاية خداع مش كل سفر سياحة أو عمل
🚫 كفاية تستر باسم السياحة أو العمل
🎭 ورا الشهرة دي… ناس بتاجر بالبشر
اسألي نفسك قبل ما تركبي الطيارة:
“مسافرة ليه؟!”
واختاري الطريق الصح
