هل إيران ممكن تكون امتلكت سلاح نووي استراتيجي خدته من روسيا ؟!…بقلم الإعلامى موسى فتوح
وهل أمريكا ممكن تكون بتخطط تستعمل سلاح غير تقليدي ضد إيران؟!
هل إيران ممكن تكون امتلكت سلاح نووي استراتيجي خدته من روسيا؟!
وهل أمريكا ممكن تكون بتخطط تستعمل سلاح غير تقليدي ضد إيران؟!
في تحركات غريبة ومخيفة بتحصل الساعات اللي فاتت، وأخبار ممكن تبانلك مش مترابطة لو قرأتها منفصلة عن بعضها.. لكن لو جمعتها مع بعض هتحس ان في حاجة كبيرة بتحصل ورا الكواليس…
ف خليني ألفت نظرك لكام حاجة غالبا مسمعتش عنهم من الصحافة والإعلام، ونحاول نفسرهم مع بعض ونفهم معناهم والسر وراهم بمنطقية 👇
🟢 من شوية زعيم الأقلية الديمقراطية في الكونجرس الأمريكي “تشاك شومر” كان في اجتماع إحاطة مع المخابرات المركزية الأمريكية CIA بخصوص ملف إيران.. والاجتماع ده كان المفروض انهم بيتم إطلاعهم فيه على معلومات سرية بخصوص اللي بيحصل في إيران دلوقتي…
بس الغريب مش الاجتماع نفسه… الغريب هو رد فعل “شومر” بعد الاجتماع…
🟣 حسب الصحافة، فبعد انتهاء الاجتماع مباشرة، “شومر” خرج وهو وشه مخطوف وباين عليه انه متوتر، ووقف أمام عدسات الكاميرات قال الكلمتين دول بالنص:
“Look… this is serious.. Trump has to make his case to the American people.”
يعني باختصار: “هذا الأمر جدي وخطير، ويجب على ترامب أن يبرر موقفه للشعب الأمريكي.”
🔸️ طب موقف ايه بالضبط، وأيه الشيء الخطير اللي كشفت عنه المخابرات في الجلسة دي، وخلاه يتوتر بالشكل ده ويقول التصريحات دي؟!
عشان تفهم، تعالى هاخد معايا لحاجة حصلت قبلها بكام ساعة… 👇
🟡 روسيا في تصريحات على لسان مستشار الأمن القومي ورئيس روسيا السابق “ديمتري ميدفيديف”، وجهت اتهام رسمي لبريطانيا وفرنسا إنهم ناويين يسلّموا أوكرانيا قنبلة نووية!
ده بجد وحصل فعلًا… والموضوع أصلًا جاي من تقرير للاستخبارات الروسية، كشف عن مخطط بتقوده دلوقتي بريطانيا وفرنسا لتزويد زيلنسكي بتكنولوجيا نووية أو قنبلة نووية جاهزة، بهدف منح أوكرانيا سلاح خارق يجبر روسيا على التفاوض معاهم بشروط الغرب، بعد ما كل الأسلحة التقليدية والدعم العسكري واللوجستي فشل في وقف التقدم الروسي اللي وصل في 2025 للسيطرة على ما يقرب 7000 كيلومتر من الأراضي الأوكرانية!
🟣 تصريحات ميدفيديف بقى جت فيها تهديدات مباشرة لبريطانيا وفرنسا.. وقالهم ان اللي بتعملوه ده هيخلي روسيا (بدون أدنى تردد) تستعمل السلاح النووي “غير الاستراتيجي” ضد العواصم بتاعتهم… وكلمة غير الاستراتيجي هنا معناها السلاح النووي التكتيكي ذو التأثير المحدود!
ومش بس كده.. ده بالشكل ده الموضوع ممكن يوصل كمان لإن بوتين يرد بالمثل ويسلّم تكنولوجيا نووية لخصوم الغرب… يعني نلاقي النووي فجأة في إيد الإيرانيين!
🔹️ وهنا بقى نفتكر مع بعض تصريح “شومر” من شوية…
يا ترى الراجل ده شاف أيه؟!
هل المخابرات المركزية كشفت بالفعل ان ايران امتلكت سلاح نووي؟!
🟠 عايز بس افكرك ان في خلال الأيام اللي فاتت تم تسجيل اكثر من هزة أرضية في المنطقة الصحراوية بإيران، كلهم تحت ال 5 ريختر.. والهزات دي في المعتاد بتكون ليها بصمة نووية، وبتحصل بعد التجارب النووية!
طب سؤال تاني…
🔵 يا ترى أيه سبب تردد ترامب في ضرب إيران لحد دلوقتي، وسبب الحشد العسكري الهائل اللي وصل لدرجة ان 50% من القوات الجوية الأمريكية موجودة دلوقتي في الشرق الأوسط، بالإضافة لأكبر حشد عسكري ولوجيستي منذ الحرب العالمية الثانية؟!
هل وصلتله معلومات ان إيران على وشك امتلاك السلاح النووي او امتلكته بالفعل؟! وهل هو بيخطط لقصف ايران بقنبلة نووية استراتيجية زي ما بعض الصحفيين والسياسيين على إكس بيقولوا دلوقتي؟!
لو ربطت كل ده مع تصريحات ستيفن ويتكوف وترامب اللي كانوا مستغربين فيها ومتضايقين من عدم استسلام إيران أو تراجعها حتى الآن، وازاي بعض المحللين بيقولوا ان ده ممكن يكون بسبب ان ايران بقى عندها نقطة قوة مخلياها مش خايفة من حاجة…
ولو حطيت جنب ااتحذيرات اللي خرجت في الساعات اللي فاتت من دول رزينة وبتحسب خطواتها بالمللي زي ألمانيا، ومعاها كمان الهند، اللي طلبوا من رعاياهم يخرجوا فورًا من إيران ولبنان وإسرائيل، هتلاقي ان الموضوع مبقاش مجرد تكهنات…
في حاجة غريبة ومش مفهومة بتحصل والناس دول مش قايلين عليها لشعوبهم برغم خطورتها اللي واضح جدا انها كبيرة… وأدينا هنشوف، وربنا يستر على المنطقة العربية كلها، بسبب التصعيدات التي لا تنتهي بسبب ترامب وصحابه اللي شكلهم كده مش ناويين على خير…
ومتنساش ضروري بس تعمل منشن لصحابك المهتمبن وشير للموضوع عشان يوصل للناس كلها..
