كتب / محمد السيد
أثارت الفنانة منة فضالى حالة واسعة من التفاعل عبر مواقع التواصل الاجتماعى، بعدما وجهت رسالة إنسانية مؤثرة دافعت خلالها عن الكلاب والحيوانات الموجودة فى الشوارع،
مؤكدة رفضها الكامل لفكرة تعذيب أو تسميم الكلاب، ومشددة على أن الرحمة بالحيوان تعكس أخلاق الإنسان وإنسانيته.
ونشرت منة صورا تجمعها بكلبين، وعلقت عليها عبر حسابها بموقع التواصل الاجتماعى «فيس بوك »: «هفضل أدافع عن الكلاب لآخر يوم فى عمرى، مش بس الكلاب، أى حيوان ضعيف مش قادر يتكلم أو يعبر عن اللى بيحسه».
وأضافت: «مش الكلاب اللى متوحشة، البنى آدم هو اللى متوحش، واللى بيحرض على تسميم الكلاب إنسان معدوم الرحمة والإنسانية».
وتابعت منة فضالى حديثها: «هتقولولى ما تعمليش كده مع الإنسان، أقولك: لا، أنت قادر تمشى وتشتغل وتكسب فلوس وتجيب أكلك، لكن دول هيعملوا إيه؟ أنت بتلبس جزمة أو شبشب وتمشى، والأرض سخنة مبتحسش بيها، وبتركب عربية ومشغل تكييف، دول بيمشوا والأرض مولعة، والجو حر، وفيه منهم اللى بيموت من العطش والجوع، ماتبقوش إنتوا والدنيا عليهم».
واختتمت: «ربنا يهديكم ويحط فى قلوبكم رحمة، واللى يقدر يحط شوية أكل ومياه لأى حيوان فى الشارع ربنا يجازيه كل خير، ارحموا من فى الأرض يرحمكم من فى السماء».
