صرح علمي مش عرض ازياء
🟢 فى احدي الجامعات صدر قرار بعدم دخول البنطلون المقطع والدخول بلبس يليق بمقام الجامعة العلمية
🟢 دا قرار جرئ من شخص محترم ولكن للأسف دعاة التحضر والتقدم والحرية وتحرير المرأة وحرية المرأة مش عجبهم الكلام دا وبيعتبروا اللبس حرية شخصية محدش يفرض علي حد يلبس ايه وميلبس ايه مدام الأهل راضيين
🟢 الكلام دا طبعا كلام غلط في غلط
🟢 مش كل لبس ينفع يتلبس في كل مكان يعني لبس الزوجة لزوجها دا مينفعش تلبسه قدام أولادها أو ابوها أو اخوها
🟢 وكمان مينفعش تخرج به تشتري طلبات السوق
🟢 كل مكان له لبس يناسبه حتي في الخروج ستات كتيرة بتلبس عباية لما بتخرج السوق ولما تروح فرح لبس يناسب فرح ولما تطلع رحلة لبس يناسب الرحلة
🟢 هكذا الجامعة صرح علمي مش اي لبس يتلبس في الجامعة في بنات بتلبس لبس كأنها رايحه ترقص مش رايحة تدرس
🟢 الجامعة حرم له احترامه صرح علمي مش عرض ازياء
🔳 وأخيراً:
يادعاة حرية المرأة وتحرير المرأة ليه متكلمتوش عن الناس اللي بتدعوا لمنع النقاب في الجامعات مش بتقولوا البنت حرة في لبسها
يبقي زي ما اللي لبسه بنطلون مقطع حرة كمان المنتقبة اللي مغطية جسمها ووشها برضوا حرة
احنا عاوزين ثورة أخلاقية نعيد فيها القيم الإسلامية والنخوة العربية
كل دين يدعوا للحشمة والاحترام
بس للأسف كتير بعيد عن تعاليم شريعته
اللهم ردنا اليك ردا جميلا
