خد كل حاجة وسبني…
في زمن العلاقات المعقدة والوعود الكاذبة، تتكرر القصة ذاتها:
فتاة مخطوبة، تحب وتثق، تتساهل، تقدم كل شيء… ثم تُترك.
1️⃣وهم الأمان الكاذب
تقول لنفسها: “إحنا خلاص مخطوبين، يعني قريب هنبقى زوج وزوجة”.
لكن الحقيقة؟ الخطوبة مجرد وعد، مش عقد شرعي.
واللي يطلب حاجات مش من حقه دلوقتي، غالبًا مش ناوي يكمل بكرة.
2️⃣العذرية مش دليل حب *
بعض الفتيات بتضحي بعذريتهن عشان تثبت إنها بتحبه، وهو يوهمها إنهم خلاص “زي المتجوزين”.
لكن الصدمة بتكون لما يبدأ يشك فيها بعدها، ويقول:
“أنا مش واثق… مش مرتاح… لازم نسيب بعض.”
🔹 قصة وعبرة “مي”:
خطيبها أقنعها إنهم خلاص قربوا يتجوزوا، وللأسف استجابت له.
وبعد أسابيع، بدأ يختفي تدريجيًا… ثم تركها بكلمة باردة:
“أنا مش شايف إننا نكمل.”
3️⃣هو يشك… وهي تدفع الثمن
حتى لو كانت العلاقة برضى الطرفين، بعض الرجال بعد ما “ياخدوا”، بيبدأوا يشوفوا البنت بشكل مختلف.
يشك فيها، يقل احترامه ليها، وربما يتكلم عنها بأسوأ طريقة.
🔹قصة وعبرة”سارة”: وعدني واختفى
سارة كانت بتحبه بصدق، ومن بيت محترم.
أقنعها إنها زوجته “من الآخر”، وبعد ما فقدت عذريتها، بدأ يبعد ويشكك فيها، وفي النهاية:
“مش مرتاح، أنا آسف.”
وبكده، خد كل حاجة وسبها.
4️⃣كذبة الحب: مش كل خطوبة نهايتها جواز
في شباب بيخطبوا بس علشان يوصلوا للبنت جسديًا.
مش علشان يبنوا بيت، بل علشان يجربوا ويشبعوا رغبتهم.
كوني واعية… وراقبي الأفعال مش الكلام.
*5️⃣الابتزاز العاطفي: “لو بتحبيني وريني”
“أنا راجل، ودي احتياجاتي.”
“إحنا خلاص مرتبطين شرعي.”
“ماينفعش ترفضي، ده حقي.”
كل ده مش حب، ده ضغط نفسي.
الحب اللي فيه احترام = صبر + التزام + حماية مش تكسير.
6️⃣بعد الخسارة: الألم أعمق من مجرد فراق *
اللي بيخسر مش بس خطيب…
بتخسر احترامها لذاتها، أمانها النفسي، وربما ثقتها في كل الرجال.
لكن دايمًا فيه أمل.
ربنا بيغفر، والحياة بتدي فرص جديدة بس نتعلم ولا نكرر الخطأ مرة أخري.
7️⃣نصائح ذهبية لكل مخطوبة
🔹مافيش حاجة اسمها “مراته خلاص” قبل كتب الكتاب.
🔹العلاقة الشرعية تبدأ بعد الزواج مش قبله.
🔹اللي يحبك فعلاً، مش هيطلبك تتنازلي.
🔹ما تسمعيش لكلام الحب المغلف بالرغبة.
🔹لو حسيتِ بضغط أو تهديد… انسحبي فورًا.
🔶 وفي الختام
احمي نفسك… احترمي جسدك… انتِ مش لعبة
“خد كل حاجة وسبني” مش مجرد عنوان… ده صرخة من قلوب موجوعة.
لكن انتي تقدري تكوني مختلفة، قوية، واعية.
اختاري الرجل اللي يخاف ربنا، ويحافظ عليكِ، مش اللي يكسرك ويستمتع بيكي ويمشي باسم الشك
