منتقبة خطفت طفل دي شماعة بعض الناس علشان يهاجموا النقاب…بقلم / د . رجب عبد اللطيف محمد

🔹منتقبة خطفت طفل دي شماعة بعض الناس علشان يهاجموا النقاب

🔹وإن كان في جرائم يتم ارتكابها من بعض المنتقبات دي مجرمة ومتخفيه في النقاب مش كل منتقبة مجرمة

🔹طيب لو المجرمة دي لبست كمامة يبقي كده نمنع الكمامة

🔹لو اللي خطف طفل سواق تكتوك نمنع التكتوك

🔹منطق غريب سهل يتم تتبع الكاميرات ويتجاب المجرم

🔹وسهل قبل ما تدخل المنتقبة اي مكان البنت تكشف النقاب قدام بنت للتأكد من هويتها

🔹لو اتمنع النقاب هل بكده هنقضي علي الجريمة ((مستحيل )) لو كان هيمنع الجريمة كنت أنا أول واحد اطلب بمنع النقاب

🔹كل حاجة سهلة بس مش عارف ليه المنتقبة محطوطة في محل اتهام

🔹زي ما اللي بتمشي غالب جسمها عريان والشباب بتبص عليها وعلي تفاصيل جسمها حرة في لبسها أهلها راضين بكده واحنا مالنا

🔹يبقي كمان المنتقبة لو حبت تلبس النقاب واهلها راضين بكده برضوا حرة في لبسها

🔹ميزان الحرية له كفتان وليس كفة واحدة