علشان متضربش على قفاك
في ناس طول عمرها عايشة مرعوبة من أي حد عنده سلطة، وناس تانية بتتنازل عن حقها علشان خايفة من المشاكل.
وللأسف الشخصية دي مع الوقت الناس بتعرف إنها بتخاف، فتضغط عليها أكتر. محدش بيقول اتخانق أو قل أدبك، لكن متبقاش ضعيف. خليك واثق من نفسك، واعرف إن كرامتك وحقك محدش هيحافظ عليهم غيرك.
في المقالة دي هقولك بعض الأمور التعيشك أسد في عصر الذئاب:
1️⃣ البس لبس شيك.
فالمظهر الجميل يزيد في التقدير.
2️⃣ واجه ومتخفش بس واجه بأدب.
3️⃣ اجتهد واشتغل في مجال يديك سلطة أو الناس تحتاجلك.
زي إعلامي، صحفي، أو مؤثر على السوشيال ميديا، الناس بتخاف من الترند، أو رجل أعمال في مجال ناس كتير بتحتاجله.
4️⃣ كتر علاقاتك.
هتقابل في حياتك ناس كتير تقدر تخدمك في مصالح كتير، فمتضيعهمش من إيدك. اخدم تتخدم.
5️⃣ متسبش حقك.
واجه بأدب، وشغل عقلك صح علشان تجيب حقك.
6️⃣ تذكر حديث رسول الله ﷺ:”
واعلم أن الأمة لو اجتمعت على أن ينفعوك بشيء، لم ينفعوك إلا بشيء قد كتبه الله لك، ولو اجتمعوا على أن يضروك بشيء، لم يضروك إلا بشيء قد كتبه الله عليك.”
رواه الترمذي.
في الختام.
.. الناس بتحترم المحترم اللي بيحترم الناس ، واللي يعرف حقه ويطالب بيه بعقل وأدب. فمتخفش من حد، ومتسبش حقك… علشان متضربش على قفاك.
