دكتور وطالبة مش فتنة طائفية
🟢القصة باختصار
عميد في احدي الجامعات اعترض علي لبس طالبة في حفلة تخرج هو شايف ان اللبس بتعها مش مناسب لصرح علمي وجامعة محترمة
البنت عملت ضجه علي مواقع التواصل وقدمت بلاغ في عميد الجامعة
🟥المشكلة مش هنا :
المشكلة في بعض المسيحيين المتشددين هاجموا العميد من منطلق ديني وأنه داعشي ومتطرف وعلشان هي مسيحية عمل كده وكلام فارغ كتير اووي
نفس موضوع المذيعة دينا المصري ردت علي شخص بيصف صوت المؤذن جعير حمير ولعوا الدنيا وخلوها قضية مسلمة ومسيحي
🟢هو انتم عاوزين ايه عاوزين تولعوا البلد بفتنة طائفية
🟢الموضع ابسط من كده
الدكتور شايف ان الطالبة لبسه لبس مخالف للقواعد المنظمة لحفل التخرج ولا يليق بالجامعة
❌مش موضوع مسلمة أو مسيحية
🟢يا جماعة، البلد مش ناقصة خناقات ولا فتنة، ومش كل موقف يستاهل إننا نقسم الناس لمسلم ومسيحي.
لو في قرار غلط يتناقش، ولو في تجاوز يتحاسب صاحبه، لكن من غير ما ندخل الدين والطائفية في كل حاجة.
خلونا نعقل الأمور نختلف باحترام، لأن في الآخر إحنا كلنا عايشين في بلد واحدة، واللي بيولع الفتنة مش بيضر شخص بعينه، ده بيضر البلد كلها.
