✍️انت عارف انت بتكلم مين؟
🟢في بعض الناس لما تيجي تكلمه يقولك:
انت عارف انت بتكلم مين؟
أيوه، عارف أنا بكلم مين!
🟢أنت إنسان زيي زيك، يعني أنت مش بقلبين وأنا بقلب واحد، ومش بأربع كليات وأنا بكلية واحدة كلنا خلق الله سبحانه وتعالى.
🟢ربنا سبحانه وتعالى لما اتكلم عن مكانة الإنسان، ما اتكلمش عن المناصب والشهادات، وكل ده ما لوش قيمة عند الله سبحانه وتعالى إلا إذا استخدمت علمك ومنصبك فيما يرضي الله تعالى.
🟢ربنا أخبرنا أن قيمة الإنسان الحقيقية في تقوى الله سبحانه وتعالى، فقال تعالى:﴿يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِندَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ﴾سورة الحجرات: 13
وقال صلى الله عليه وسلم:
«إن الله لا ينظر إلى صوركم وأموالكم، ولكن ينظر إلى قلوبكم وأعمالكم»
رواه مسلم (2564).
وقال صلى الله عليه وسلم :
«لا يدخل الجنة من كان في قلبه مثقال ذرة من كبر»
رواه مسلم (91).
🟢في القبر محدش هيقولك:يا معالي الباشا
كل الشهادات وكل المناصب هتسيبها، وتنزل القبر بأعمالك.
🔳الخلاصة:
عامل الناس بالطريقة التي ترضي الله سبحانه وتعالى، علشان تلاقي ناس لما تموت تقول: الله يرحمه
مش تقول:ربنا يولع في قبره الناس ارتاحت منه ومن شره
