✍️ بيبوس رجل عروسته
🟢من كام يوم عريس في الفرح باس رجل عروسته قدام الناس.
🟢طيب يا حبوب، الأولى تبوس رجل أمك وأبوك اللي ربوك، مش تبوس رجل عروستك.
🟢تاني حاجة، الست مش بتحب الراجل الطري، بتحب الراجل اللي شخصيته قوية وفي نفس الوقت بيحترمها، مش يبوس رجلها.
🟢طيب لو زعلانة منك هتعمل إيه؟ هتبوس جزمتها علشان ترضى عنك؟
🟢الحب والاحترام بين الزوجين حاجة جميلة، لكن الاحترام مش معناه إن الراجل يلغي شخصيته أو يقلل من نفسه علشان يرضي زوجته.
🟢الراجل يحترم مراته ويقدرها ويحن عليها، وهي كمان تحترمه وتقدره، وكل واحد يحافظ على مكانة التاني.
🟢أما إن التصرفات تبقى لمجرد الترند أو علشان الناس تتكلم، فدي مشكلة؛ لأن اللي بيبدأ كترند ممكن يتحول مع الوقت لسلوك عادي عند البعض.
🟢ياريت الموضوع يكون مجرد ترند، وما يكونش حال الرجالة اتقلب، وطبعاً الرجولة مش بالصوت العالي ولا بالقسوة، وكمان التعبير عن الحب مش بالتنازل عن الكرامة والشخصية.
🟢الحب والتقدير مش معناه توطي وتبوس جزمة مراتك
دا مش حب دي إهانة
