✍️القاتل مجرم مهما كان السبب
🔹القصة باختصار:
شاب مغترب في ليبيا جات له رسائل على الواتساب إن مراته بتخونه، وصور مع اثنين ساكنين معاه في نفس العمارة، واحد ميكانيكي والثاني معاه في المحل، على حسب الروايات المتداولة .
الشاب ده قطع الإجازة ونزل قتل مراته، وقتل الميكانيكي والشاب الثاني، وقطع عضو حساس لأحد الشابين، وسلم نفسه للمباحث، وحاليًا القضية شغالة.
عاوز أقف وقفة مع اللي حصل ده علشان نتعلم، وما حدش يغلط نفس الغلطة دي.
1️⃣ أول حاجة: اختيار الزوجة
لما تقرر تتجوز اختار بنت الأصول اللي تصونك لما تسافر وما تدخلش حد غريب في بيتك، وتحافظ على جسمها وفلوسك.
وده مش معناه إني بتهم البنت دي إنها فرطت في شرفها، لسه التحقيقات شغالة، لكن بتكلم على العموم.
2️⃣ ما تسافرش وتسيب مراتك فترة طويلة
لازم تعرف إن الست ليها احتياجات جنسية، واحتياجات عاطفية.
لو غبت عنها فترة طويلة وهي ضعيفة الإيمان، ممكن أي شاب عديم الاخلاق يلف عليها ويديها الإشباع العاطفي، وبعد كده يوقعها في العلاقة الجنسية.
3️⃣ التهور والغضب أوله جنون وآخره ندم
القاتل مجرم مهما كانت الدوافع؛ لأن الإسلام لما شرّع لنا القتل، خلّى القتل والحدود اللي يقيمها الحاكم، علشان الدنيا ما تبقاش غابة.
ممكن أي شاب يعمل أي حوار علشان يتخلص من مراته ويدخل شاب عنده ويقتله، ويقتل مراته، بحجة الدفاع عن الشرف،
في عصر فيه ناس بتفكر ودماغها بتوديها لأمور ما بيفكرش فيها إبليس.
وأخيرًا :
ده رأيي. لو شايف رأيي صح طبق كلامي فالإنسان العاقل هو اللي يعتبر بغيره قبل أن يكون عبرة لغيره.
ولو مش عاجبك رأيي وشايف رأي غير كده، رأيك يحترم، والاختلاف في الرأي لا يفسد الود.
